Da la pianta dël temp Gesù Bambin
a l'ha cujì n' ann neuv astamatin

e a l'ha dajlo a la povra umanità,
aogurandje 'na gran caria 'd bontà:

ann ëd pas, ëd giustissia e d'armonia,
ch'a fassa 'vnì 'nt ël mond n'aria 'd famija.

L'ann neuv a l'é spontà parej 'd 'na steila;
an porta ël fil per tësse 'na gran teila

d'euvre bon-e ch'a peusso slarghé 'l cheur
e ch'a sìo ël prinsipi dël bonheur.

Campoma via tut lòn ch'a l'é vnù vej
e domje 'n andi a fesse pi fratej!