Mia gioventù a l'é staita fortunà.
I l'hai godù la pas ëd la famija;
d'j mè l'hai mai avù da vergogneme.
Mè papà, con le man neire 'd travaj,
savìa la strà della cesa e dl'onestà;
e mia mama, soa unica ambission
l'é sempre staita 'd fé tuti content.
A mia cà l'hai mai vist ëd vanità;
a l'han mostrame a vive con bon sens
e a 'ndé sensa bordel per la mia strà.
A l'han dame 'l bon gust ëd la famija,
le gioie frësche dla semplicità.
Ma lòn ch'am bagna j'oeuj ëd comossion
l'é che sempre lor doi, mama e papà,
sensa tanta istrussion, gent a la bon-a,
a l'han goardame l'anima dal mal.